Білім беру коды мен бейіні: 0800000 – Мұнайгаз және химиялық өндіріс

Мамандық: 0819000 – Мұнай және газ өңдеу технологиясы (бейіні бойынша)

Біліктілігі: 0819073 - Техник - технолог

Оқу түрі: күндізгі

Оқытудың нормативтік мерзімі: Негізгі орта білім базасында 3жыл 10 ай

Еңбек пәні бойынша мамандықтар тұрпаты: техник – технолог техникалық жағынан ойлай білуі, нақты, ұқыпты, тәртіпті болуы, ұжымда жұмыс істей білуі тиіс, органикалық, физколлоидты, аналитикалық химияны, механика мен физиканы білуі керек, есте сақтау қабілеті жақсы және дене күші жағынан төзімді болуы тиіс.

Еңбек құралын пайдалану мамандығының тұрпаты: автоматтандырылған

Еңбек жағдайы бойынша мамандық тұрпаты: зауыттарда жұмыс істеу

Мамандықтар сыныбы: орындаушылық (техника-технолог еңбек сипаты бойынша бір тұрпатты еңбек түрлерін жүзеге асырады, белгіленген ережелер, нормативтер мен нұсқаулықтарды сақтай отырып, стандартты тапсырмаларды орындайды. )

Техник-технолог жауаптылық, әділдік, ұқыптылық, тәртіптілік сияқты жеке сапаларды игеруі тиіс.

Техник-технологтың маңызды кәсіби сапаларына жататындар:

• Мықты денсаулық;
• Дене күші төзімділігі;
• Көзінің жақсы көруі;
• Айналаны аңғарушылығы;
• Дәл көздеу;
• Түстерді айыра білушілік;
• Үйлесімділік;
• Қозғалыс дәлдігі;
• Зейінділік;
• Сақтық;
• Жақсы есте сақтау қабілеті;
• Жылдам қимылдау;

Технологиялық жабдықтарды апатсыз пайдалану бойынша бригада жұмыстарын ұйымдастыру:

• Процестің технологиялық режімі нормаларын бақылап, реттеу;
• Шикізат шығындарын, көмекші материалдар мен реагенттердің  тиімділігін үйлестіру;
• Қондырғылардың мүмкін болатын апатты жағдайларын ескерту және жою;
• Жұмыс орнында жұмысшылармен  нұсқаулықтар беруді ұйымдастыру және өткізу;
• Есеп беру – техникалық құжаттамаларының  дұрыс және уақытылы ресімделуін  бақылау;
• Жаңа техника мен технологияларды енгізудің экономикалық тиімділігін анықтау;
• Өндіріс тиімділігін арттырудың резервтерін анықтау және оларды пайдалану бойынша іс – шаралар әзірлеу;
• Белгілі бір аралық кезең үшін қондырғы жұмысының нәтижесін талқылау;
• Апатты ескерту мен өндірістік жарақаттану бойынша шаралар жасақтау;
• Өнім сапасын арттыру мен өзіндік құнын төмендету бойынша шаралар жасақтау.

Кәсіби білім алу жолы: Ақсай техникалық колледжі, өндірістегі оқу.